للمغاربة فقط

موضوع: للمغاربة فقط الثلاثاء يونيو 12, 2007 6:09 pm

واحد مشا عند شوافة(العرافة) قا ل ليها بغيت تشوفي ليا واش نقدر نعيش 40 عام.. قالت ليه واش كتكمي..(هل تدخن)قال لا..واش كتشرب... لا... واش كتبع دريات(البنات)... لا... قالت وعلاش بغي تعيش 40 عام .

--------------------------------------------

استاد ديما يسول دراري ..باش تعشيتو.. دري ديما كيجاوبو بالحريرة .. واحد نهار قال ليه الا قلتي حريرة مرا خرا نعصي ولدي... دري قالها لباه.. باه قال ليه مني يسولك رد عليه بالدجاج... الغد استاد سول الدري.. الدري قال ليه بالدجاج... سولو شحال من واحدة.. قال ليه جوج زلافات

--------------------------------------------

هادي واحد العروبية وواحد المدينية مشاو للقهوةوجا عندهوم الكارسون

قالتليه المدينية عطيني واحد فانتا بالبرتقال وهي تقوليه العروبية عطيني واحد فاطنة

بنت بقال...

--------------------------------------------

هداواحد الإرهابي طلع لطوبيس هاز سيف.هو يقول للي راكب

للي ما كتنتهيش سميتو فللخر بكلمة الدين بحال( نور الدين) غادي ندبحو.مشا عند الأول قال ليه سميتك قال ليه صلاح الدين .الثاني نور الدين الثالث سيف الدين .هو يلقا واحد اللور كيترعد هو يقول ليه سميتك قال ليه هو كيترعد ههه بيتادين

--------------------------------------------

واحد مافحالوش مشا لقهوا لقا واحد شبعان تيقسي فواحد دجاجة و مشا ريح حداه و طلب واحد طبسيل ديال لعدس بدا كيقسي فيه بلا مليقول بسم الله قاليه هداك لي حداه قول بسم الله أصاحبي أولا شيطان غادي ياكل معاك و رد عليه لاخر واش شيطان حمق اخلي دجاج باش ياكل لعدس

--------------------------------------------

هدا واحد مات مقوس، الناس معرفوش كيف يدفنوه، واحد السكيري قال ليهم دفنوه في الدورة ديال راس الدرب

--------------------------------------------

هذا واحد الطفيلي، دائما يتدخل فيما لا يعنيه، واحد النهار لقى الناس مجمعين على حادثة سير، وهو يقول ليهم خلوني ندخل أنا أخ الضحية، ملي دخل، لقى حمار ميت

--------------------------------------------

قالك هدا واحد كيبيع الحمص فالزنقة مشا يخطب وحدة .فاش سولوه عائلتها فين كيخدم ورالهوم الطابلية قالهوم راني كنخدم فالفرماسيان-الصيديلية- .قالوا صافي هاك يد بنتنا واحد النهار أم البنت كتسارا فالزنقة وهي تشوفوا كيبيع الحمص مشات العندو قالتلو ارى شي زلافة دالحمص وهو يعطيلها وقالها هاكي الحاجة جوجو معالق فالصباح وجوج فالليل قبل الأكل

--------------------------------------------

قال لك هذا واحد العزي(الله يسمحلنا) مشا يشري ستيلو ( قلم ) كحل جربو فييديه ردو لمول المكتبة قال لو هاك عليا هدا ما كيكتبش

--------------------------------------------

هذا واحد بغا يتجوج بنت باقا تاتقرى ...............مشا يخطبها من والديها مع 2..............قالو ليه حتى تسالي قرايتها ...........ورجع ليها مع 6

--------------------------------------------

دري بغا يمشي من طنجة عايم حيت غير 14 كلم... ضرب 7 كلم...عيا هوا يرجع

--------------------------------------------

سقرام (بخيل) شرا خبرة..شفرها ليه شمكار(مشرد) تبعو... مني شاف انو مشا عليه.. قال ليه سير صدقة ورحمة الوالدين

--------------------------------------------

استاد بغا يدير فرض لدراري على غفلة..قال ليهم عندكم غدا فرض على غفلة

--------------------------------------------

واحد قال لمو بغيت تزوج بوحدة بيضاء وطويلة وخدامة.. قالت خد لك حسن ثلاجة

--------------------------------------------

تاجرسقرام حاط فالمحل قدام لاكيس مرايا...باش مني يهز لفلوس يتأكد انو هو مشي واحد أخر

--------------------------------------------

جوج كيتكيفو قدام مرايا.. واحد قال لصاحبو شوف وحدين مقابلين معانا .. صاحبو
ناض وقال ليه انا هنسولهم....قال ليه غير رجع هواحد منهم جاي عندنا.

--------------------------------------------

واحد تصور بين 2 حمير أو سيفطها لصديقتو و كتب تحتهاْْْْ ملاحظة أنا الموجود في الوسط

--------------------------------------------

واحد معلم فواحد القسم ديال الكسالى رسم لهم ضفدعة حداها رقم 1 ..كل واحد كيف تكون
اجابتو"ظفدعة و1ٍٍ" ."1+ضفدعة"...في ألأخير ناض واحد الكسول اجاوب و قال :ضفدعتعشر

--------------------------------------------

وحدة كانت مع صاحبها ..وفجأة بان باها..قالت ويلي ويلي بابا..قالها ..ماتخافيش قوليلو أنا خوك.

--------------------------------------------
للمغاربة فقط Patch_rir

عدد الرسائل : 117 تاريخ التسجيل : 01/05/2007

wa33333333333333333ra a lbogos
merci bezzzzzzzzaf

عدد الرسائل : 75 تاريخ التسجيل : 06/05/2007

merci [img][/img] lol!

عدد الرسائل : 202 تاريخ التسجيل : 01/06/2007

hhhhhhhhhhhhhhhhhhhhhhhhhhhhh merci

loooooooooooooool

عدد الرسائل : 2 تاريخ التسجيل : 22/06/2007

chokran 3la had nokat